wd wp Пошук: ⬜

Саманта Сміт

У Вікіпедыі ёсць артыкулы пра іншых асоб з прозвішчам Сміт.

Саманта Рыд Сміт (англ.: Samantha Reed Smith; 29 чэрвеня 1972, Хьюлтан, штат Мэн — 25 жніўня 1985, Обарн, Мэн) — амерыканская школьніца са штата Мэн, якая стала сусветна вядомай дзякуючы перапісцы з Юрыем Андропавым, які толькі што стаў генеральным сакратаром ЦК КПСС, падчас халоднай вайны.

У лістападзе 1982 года дзесяцігадовая Саманта Сміт напісала Юрыю Андропаву ліст, каб разабрацца, чаму адносіны ЗША і СССР такія напружаныя. 26 красавіка 1983 года яна атрымала ліст у адказ, у якім запрашалася наведаць СССР. У ліпені 1983 года Саманта Сміт прыбыла ў СССР, на працягу двух тыдняў перабывала ў Маскве, Ленінградзе і ў лагеры «Артэк» у Крыме. Разглядалася ў СМІ абедзвюх краін як «пасол добрай волі» (у 1986 годзе СССР накіраваў у ЗША свайго «дзіця-пасланца» — Кацю Лычову). Загінула ў 25 жніўня 1985 года ў авіякатастрофе.

Спасылкі

На Вікісховішчы ёсць медыяфайлы па тэме Саманта Сміт