Салі Гарднер галопам
«Салі Гарднер галопам» (англ.: Sallie Gardner at a Gallop) — картатэка з 12 фотакартак, якія ўваходзяць у серыю з шасці картатэк, створаных Эдвардам Мэйбрыджам[en]. Атрымала сусветную вядомасць як адзін з першых фільмаў у гісторыі. Кожная картатэка складаецца з шасці-дванаццаці «аўтаматычных[en]» фатаграфій, якія паказваюць рух каня. Мэйбрыдж зняў фатаграфіі ў чэрвені 1878 года.[1]
Дадзеную серыю і далейшыя падобныя эксперыменты з хранафатаграфіяй можна разглядаць як важны крок у развіцці кінематографа. Фатаграфіі былі надрукаваныя ў выпуску часопіса «Scientific American[en]» 19 кастрычніка 1878 года.
Здымку Мейбрыджу замовіў Леланд Стэнфард[en], прамысловец і наезнік, які паспрачаўся з двума прыяцелямі, што падчас галопу[ru] ёсць моманты, калі конь не дакранаецца зямлі ніводным з капытоў. Даказаць гэта можна было толькі з дапамогай фатаграфіі, бо чалавечае вока не здольнае ўсачыць за хуткімі рухамі каня. На здымках відаць, што ўсе чатыры нагі ў нейкай фазе руху сапраўды адначасова не датыкаюцца зямлі, хаця гэта адбываецца толькі тады, калі канечнасці «сабраныя» пад целам, а не «выцягнутыя» наперад і назад, як гэта малявалі ў жывапісе.[2]
Зноскі
- ↑ Владимир Левашов. Лекции по истории фотографии / Галина Ельшевская. — 2-е изд.. — М.: «Тримедиа Контент», 2014. — С. 40—43. — 484 с. — ISBN 978-5-903788-16-3.
- ↑ Жорж Садуль[fr]. Всеобщая история кино / В. А. Рязанова. — М.: «Искусство», 1958. — Т. 1. — С. 66. — 611 с.
Спасылкі
На Вікісховішчы ёсць медыяфайлы па тэме Салі Гарднер галопам
Катэгорыя·Фільмы ЗША
Катэгорыя·Фільмы 1878 года
Катэгорыя·Фільмы Эдварда Мэйбрыджа
Катэгорыя·Фільмы паводле алфавіта
Катэгорыя·Гісторыя кіно
Катэгорыя·Фільмы пра коней
Катэгорыя·Гісторыя фатаграфіі
Катэгорыя·Фільмы, знятыя ў Каліфорніі