wd wp Пошук:

Саламон Аронавіч Гарэлік

У Вікіпедыі ёсць артыкулы пра іншых асоб з прозвішчам Гарэлік. Саламон Аронавіч Гарэлік (7 ліпеня 1913, Бабруйск — 22 кастрычніка 1941) — удзельнік Вялікай Айчыннай вайны, памочнік камандзіра танкавай роты па тэхнічнай часці 1-га танкавага палка 1-й танкавай брыгады 21 арміі(руск.) бел. Паўднёва-Заходняга фронту, ваентэхнік 1-га рангу, Герой Савецкага Саюза[2].

Біяграфія

Нарадзіўся ў сям’і рабочага. Яўрэй.

Пасля заканчэння 5 класаў паступіў у прафесійна-тэхнічную школу па спецыяльнасці токара-інструментальшчыка, якую паспяхова скончыў у 1929 годзе і ўладкаваўся токарам-інструментальшчыкам на Бабруйскі чыгуналіцейны завод.

У Чырвонай Арміі з 1932 года[2]. Скончыў бронетанкавую школу ў Ленінградзе (1932), Курсы ўдасканалення афіцэрскага саставу(руск.) бел. (1934). Удзельнік савецка-фінляндскай вайны 1939—1940 гг[2].

На франтах Вялікай Айчыннай вайны з чэрвеня 1941 года. У баях з нямецкімі войскамі праявіў высокую мужнасць і геройства. Ён неаднаразова эвакуіраваў з поля бою падбітыя танкі і перапраўляў іх у палявыя майстэрні. Пад шквальным агнём праціўніка выпраўляў пашкоджанні, а калі таго патрабавала баявая абстаноўка, сам сядаў за руль і вёў машыну ў атаку, выдатна выконваючы абавязкі кіроўцы і камандзіра танка.

На яго рахунку лічылася мноства знішчаных варожых гармат, мінамётаў, кулямётных гнёздаў, салдат і афіцэраў. У ліпені 1941 года ў баях за Шэпэціўку знішчыў 4 супрацьтанкавыя гарматы, 6 мінамётаў і больш за два узвода нямецкай пяхоты.

20 верасня 1941 года ў баі пад горадам Багадухавам Харкаўскай вобласці ён асабіста знішчыў 8 гармат, 3 мінамётаў і здушыў гусеніцамі свайго танка некалькі кулямётных гнёздаў. Ва ўсіх баях асабістым прыкладам адвагі вёў за сабой іншыя танкавыя экіпажы. У атаках быў толькі наперадзе.

23 кастрычніка 1941 года, на подступах да горада Белгарада, падцягнуўшы свежыя сілы, немцы ўклініліся ў абарону савецкіх войскаў на стыку стралковых падраздзяленняў. 1-я танкавая брыгада атрымала загад знішчыць групоўку праціўніка, якая здолела прарвацца да горада. 5 баявых машын з дэсантам аўтаматчыкаў атакавалі немцаў. Наперадзе ішоў цяжкі танк КВ лейтэнанта Лысенкі, вёў яго ваентэхнік 1-га рангу, памочнік камандзіра роты па тэхнічнай часці 1-га танкавага палка (1-я танкавая брыгада, 21-я армія(руск.) бел., Паўднёва-Заходні фронт) С. Гарэлік[2]. Танк уварваўся на пазіцыю варожых артылерыстаў. У баі танк, якім камандаваў С. А. Гарэлік, быў падбіты і загарэўся[2]. 2 гадзіны вялі танкісты агонь з нерухомага танка, а калі скончыліся снарады і патроны, адбіваліся гранатамі. Экіпаж не пакінуў машыны і змагаўся да апошняга[2]. Немцы акружылі машыну, прапанавалі экіпажу здацца ў палон. Атрымаўшы адмову, гітлераўцы падпалілі яе. Гарэлік згарэў разам з камандзірам у падбітым танку.

Пахаваны ў брацкай магіле ў Белгарадзе[2].

Узнагароды

Памяць

Зноскі

  1. 1 2 Solomon Aronovich Gorelik // TracesOfWar
  2. 1 2 3 4 5 6 7 8 Горелик Соломон Аронович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 163. — 737 с.
  3. Указ Президиума Верховного Совета СССР “«О присвоении звания Героя Советского Союза начальствующему составу Красной Армии» от 5 няобря 1942 года // Ведомости Верховного Совета Союза Советских Социалистических Республик : газета. — 1941. — 5 января (№ 1 (160)). — С. 1.
  4. Аннотационная доска на улице Горелика(руск.) . Архівавана з першакрыніцы 12 верасня 2012. Праверана 20 красавіка 2012.

Літаратура

Спасылкі

Саламон Аронавіч Гарэлік на сайце «Героі краіны»

Тэмы гэтай старонкі (19):
Катэгорыя·Вікіпедыя·Артыкулы пра асоб, для якіх не існуюць старонкі віду «І. Прозвішча»
Катэгорыя·Нарадзіліся ў Бабруйску
Катэгорыя·Удзельнікі савецка-фінскай вайны
Катэгорыя·Нарадзіліся ў 1913 годзе
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Афіцэры СССР
Катэгорыя·Нарадзіліся 7 ліпеня
Катэгорыя·Памерлі 23 кастрычніка
Катэгорыя·Пахаваныя ў Белгародскай вобласці
Катэгорыя·Памерлі 22 кастрычніка
Катэгорыя·Вікіпедыя·Запыты на пераклад з рускай
Катэгорыя·Памерлі ў Курскай вобласці
Катэгорыя·Танкісты Вялікай Айчыннай вайны
Катэгорыя·Памерлі ў 1941 годзе
Катэгорыя·Вікіпедыя·Артыкулы пра асоб, для якіх не існуюць старонкі віду «І. Іпб. Прозвішча»
Катэгорыя·Асобы
Катэгорыя·Героі Савецкага Саюза
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Кавалеры ордэна Леніна