Рэпрадуктыўная сістэма[1] — сістэма органаў жывых арганізмаў (жывёл, раслін, грыбоў і іншых), якая адказвае за іх размнажэнне. У жывёл рэпрадуктыўныя сістэмы прадстаўнікоў розных палоў аднаго віду нярэдка вельмі адрозніваюцца, у адрозненні ад іншых сістэм органаў, якія ў прадстаўнікоў розных палоў адрозніваюцца замала. Гэтыя адрозненні прыводзяць да стварэння новага генетычнага матэрыялу, які дазваляе мець больш прыстасаванае патомства[2]. Некаторыя рэчывы (гармоны і ферамоны) таксама выконваюць важную ролю у рэпрадуктыўнай сістэме жывёл[3].
У большасці храбтовых жывёл рэпрадуктыўная сістэма мае падобны план будовы: палавыя залозы (ганады) — вывадныя пратокі — вонкавыя палавыя органы. Асноўныя органы рэпрадуктыўнай сістэмы чалавека ўключаюць генеталіі (пеніс і похва), а таксама ўнутраныя органы, уключаючы выпрацоўваючыя палавыя клеткі ганады (семеннікі і яічнікі). Захворванні рэпрадуктыўнай сістэмы чалавека вельмі пашыраныя, асабліва хваробы, якія перадаюцца палавым шляхам[4].