У Вікіпедыі ёсць артыкулы пра іншых людзей з імем Лехта.
Рэйна Рагнар Лехта (фінск.: Reino Ragnar Lehto; 2 мая 1898, Турку — 13 ліпеня 1966, Хельсінкі, Фінляндыя) — фінскі палітычны дзеяч; з 1963 па 1964 гады — прэм’ер-міністр Фінляндыі.
Нарадзіўся 2 мая 1898 года ў Турку. Па адукацыі юрыст, працаваў адвакатам у 1922—1932, магістр права (1934). Працаваў сакратаром пракурора Хельсінкі ў 1933—1934, пасля чаго працаваў пастаянным сакратаром міністэрства гандлю і прамысловасці 1936 па 1964, членам праўлення шэрагу кампаній. Са снежня 1963 па верасень 1964 г. — прэм’ер-міністр Фінляндыі, у 1964—1966 — губернатар правінцыі Уусімаа. Ганаровы доктар Хельсінкскага ўніверсітэта (1960).