У Вікіпедыі ёсць артыкулы пра іншых людзей з імем Гордан.
Рычард Гордан (англ.: Richard Gordon; нар. 5 кастрычніка 1929, Сіэтл, штат Вашынгтон) — астранаўт ЗША.
З’яўляецца адным з 24 чалавек, якія даляцелі да Месяца (быў узнагароджаны медалём НАСА “За выбітныя заслугі” ў 1970 годзе). Здзейсніў два касмічныя палёты: пілот «Джэміні-11» (падчас палёту зрабіў выхад у адкрыты космас) і пілот каманднага модуля «Апалона-12» (заставаўся на калямесяцавай арбіце падчас другой высадкі чалавека на Месяц). У агульнай складанасці прабыў 315 гадзін і 53 хвіліны ў космасе, 2 гадзіны і 44 хвіліны з якіх у адкрытым космасе. Таксама ў якасці камандзіра карабля і высаджвальнага месяцавага модуля ўваходзіў у асноўны экіпаж карабля «Апалон-18», палёт якога не адбыўся.