Рычард Сцюарт Лінклейтэр (англ.: Richard Stuart Linklater; нар. 30 ліпеня 1960, Х’юстан, Тэхас, ЗША) — амерыканскі незалежны кінарэжысёр. Тройчы намінант на прэмію «Оскар» за напісанне сцэнарыяў да карцін «Перад заходам» (2004), «Перад паўноччу» (2013 года) і «Малалецтва» (2014), а таксама двойчы прызёр Берлінскага кінафестывалю за пастаноўку стужак «Перад світаннем» (1995) і «Малалецтва» (2014). За фільм «Малалецтва», адзін з самых паспяховых фільмаў у сваёй кар’еры, быў таксама прадстаўлены да «Оскара» як рэжысёр і прадзюсар.