Рыхард Нікалас Эйджыро, граф фон Кудэнгофэ-Калергі[6] (16 лістапада, 1894 — 27 ліпеня, 1972) — аўстрыйскі палітык, філосаф, граф з роду Кудэнгофэ-Калергі.
Адзін з пачынальнікаў Еўрапейскай інтэграцыі, заснавалькік і прэзідэнт Панеўрапейскага саюза на працягу 49 гадоў. Яго бацькамі былі Гайнрых фон Кудэнгофэ-Калергі, аўстра-венгерскі дыпламат, і Міцуко Аояма, дачка гандлёўца нафтай і антыкварыятам, а таксама вялікага землеўладальніка з Токіа[7]. У Японіі вядомы пад прозвішчам Аояма Эйджыро. Атрымаў грамадзянства Чэхаславаччыны ў 1919 годзе, а з 1939 года і да яго смерці — французскае грамадзянства.
Яго першая кніга, Пан-Еўропа, была надрукаваная ў 1923 годзе, і змяшчала заяву на ўступленне ў Пан-Еўрапейскі рух. Першы кангрэс Руху Кудэгнгофэ-Калергі адбыўся ў Вене ў 1926 годзе. Сярод тых, хто яго наведаў, былі: Альберт Эйнштэйн, Томас Ман і Зігмунд Фройд.[8]
Вядомая цытата Калергі:
«Будучы чалавек будзе змешанай расы. Сучасныя расы і класы будуць паступова знікаць з-за („змены“) прасторы, часу і знікнення забабонаў. Эўразійска-негрыцянская раса будучыні, што будзе нагадваць старажытных егіпцян, замяняе разнастайнасць народаў разнастайнасцю асоб.»