Рыгор Мікалаевіч Чысценка (нар. 1948) — беларускі вучоны ў галіне эпідэміялогіі і паразіталогіі. Доктар медыцынскіх навук (1996), прафесар (1997)[2].
Скончыў санітарна-гігіенічны факультэт Мінскага дзяржаўнага медыцынскага інстытута (1974). З 1974 года выкладае ў Беларускім дзяржаўным медыцынскім універсітэце, з 1985 года — загадчык кафедры эпідэміялогіі[2].
Навуковыя інтарэсы: эпідэміялогія, эпідэміялагічны нагляд і прафілактыка аэразольных, кішачных інфекцый і паразітарных хвароб; клінічная эпідэміялогія і доказная медыцына[2].