Русінская Вікіпедыя (русін.: Русиньска Вікіпедія) — раздзел Вікіпедыі на русінскай мове, створаны 23 студзеня 2011 года[1]. Па стане на 11 лютага 2022 года ўтрымлівае 8 287 артыкулаў і займае 150-е месца ў спісе Вікіпедый па колькасці артыкулаў.[2]
Першапачаткова раздзел існаваў у тэставым рэжыме ў рамках Вікіінкубатара[3] — праекта фонду Вікімедыя, прызначанага для тэставання новых моўных раздзелаў і праектаў[4]. Тэставы раздзел быў створаны яшчэ ў 2007 годзе, аднак амаль не развіваўся з-за адсутнасці актыўных удзельнікаў. Сітуацыя змянілася ў 2010 годзе пасля прыходу ўдзельніка Gazeb, які актыўна прыняўся ствараць новыя артыкулы.
У кастрычніку 2010 года моўным камітэтам было прынята рашэнне на карысць стварэння самастойнага раздзела на русінскай мове. Адкрыццё раздзела адбылося 23 студзеня 2011 года.