Руслан Імранавіч Хасбулатаў (руск.: Русла́н Имранович Хасбула́тов, чач.: Хасболтера Ӏимранан кӏант Руслан; нар. 22 лістапада 1942, Грозны, Чачэна-Інгушская АССР) — расійскі палітычны дзеяч, навуковец і публіцыст, член-карэспандэнт РАН (1991), апошні старшыня Вярхоўнага Савета Расійскай Федэрацыі, спачатку паплечнік першага прэзідэнта Расіі Барыса Ельцына, затым яго асноўны апанент і актыўны ўдзельнік расійскага канстытуцыйнага крызісу да кастрычніка 1993 года, у 1994 годзе — арганізатар так званай «міратворчай місіі прафесара Хасбулатава» ў Чачні. З 1994 года — загадчык кафедры сусветнай эканомікі Расійскага эканамічнага ўніверсітэта імя Г. В. Пляханава.