Рускае Вусце — сяло ў Алаіхаўскім улусе Якуціі ў вусці ракі Індыгірка. У часы СССР вёска называлася Палярны. Жыхары вёскі называюць сябе рускавусцінцамі і з’яўляюцца адной з найстаражытнейшых груп рускага народа ў Сібіры. Паходжанне, верагодна, з памораў. Іншая версія — перасяленцы з горада Зашыверск (Сярэдняя Індыгірка), уцекачы ад чорнай воспы. Рускавусцінцы былі пісьменныя. Існуюць сведчанні выкарыстання імі глаголіцы. У цяперашні час рускавусцінцы вылучаюцца ў асобную этнаграфічную групу рускіх.