У Вікіпедыі ёсць артыкулы пра іншых асоб з прозвішчам Кроўфард.
Ролстан Кроўфард (англ.: Ralston Crawford; 1906, Сент-Катарынс, правінцыя Антарыа, Канада — 1978, Х’юстан, ЗША) — амерыканскі абстрактны мастак, графік і літограф.
Мастак нарадзіўся ў Канадзе, дзяцінства і юнацтва правёў у горадзе Бафала, штат Нью-Ёрк. Жывапіс пачаў вывучаць у 1927 годзе ў Каліфорніі, у інстытуце мастацтваў Отыс. Потым працаваў мастаком на кінастудыі Walt Disney Pictures. Вярнуўшыся на ўсходняе ўзбярэжжа ЗША, Р. Кроўфард паступае ў Пенсільванскую акадэмію прыгожых мастацтваў у Філадэльфіі, а затым вучыцца ў фондзе Барнса. У гэты перыяд Р.Кроўфард знаходзіўся пад уплывам творчасці П.Пікасо і А.Маціса. У 1934 годзе ў Мэрылендскім інстытуце мастацтваў праходзіць першая персанальная выстава мастака. Быў сябрам групы «Незалежных» (Independents).
Памёр ад раку 27 красавіка 1978 года ў Х’юстане (Тэхас).