У Вікіпедыі ёсць артыкулы пра іншых асоб з прозвішчам Юхансан. Роберт Юхансан (нарв.: Robert Johansson; нар. 23 сакавіка 1990) — нарвежскі скакун з трампліна, бронзавы прызёр Алімпійскіх гульняў 2018 года ў Пхёнчхане, экс-уладальнік сусветнага рэкорду па далёкасці скачка.
У складзе асноўнай зборнай Юхансан замацаваўся толькі ў сезоне 2016/17. На трэцім этапе Турнэ чатырох трамплінаў у Інсбруку, які праходзіў у цяжкіх умовах надвор’я і складаўся толькі з адной спробы, Роберт паказаў другі вынік, саступіўшы 2,4 балы таварышу па камандзе Даніэлю-Андрэ Тандэ. На чэмпіянаце свету 2017 году выступіў у асабістым першынстве на нармальным трампліне і заняў там 17-е месца.
18 сакавіка 2017 года на палётным трампліне «Вікерсундбакен» усталяваў новы сусветны рэкорд - 252 метра (на паўметры далей папярэдняга рэкардсмена Андрэса Фанемеля). Аднак яго рэкорд пратрымаўся ўсяго каля паўгадзіны, пасля чаго яго вынік на метр перасягнуў аўстрыец Штэфан Крафт.
У першы гульнявы дзень на Алімпіядзе ў Пхёнчхане, нарвежскі лыжнік дамогся поспеху, стаўшы трэцім на трампліне К-98, і заваяваў бронзавы медаль Гульняў.