У Вікіпедыі ёсць артыкулы пра іншых асоб з прозвішчам Фогель.
Роберт Уільям Фогель (англ.: Robert William Fogel; 1 ліпеня 1926, Нью-Ёрк — 11 чэрвеня 2013, Оўк Лон[en], Ілінойс) — амерыканскі эканаміст.
Лаўрэат Нобелеўскай прэміі па эканоміцы (1993) «за адраджэнне даследаванняў у галіне эканамічнай гісторыі, дзякуючы дадаткам да іх эканамічнай тэорыі і колькасных метадаў, якія дазваляюць тлумачыць эканамічныя і інстытуцыйныя змены». Сын эмігрантаў з Адэсы. Вучыўся ў Карнельскім і Калумбійскім універсітэтах. Ступень доктара атрымаў ва ўніверсітэце Джона Хопкінса. Выкладаў у Гарвардзе і Чыкагскім універсітэце. Прэзідэнт Амерыканскай эканамічнай асацыяцыі ў 1998 годзе. На яго думку, невялікія новаўвядзенні ў прамысловасці ў большай ступені спрыяюць яе эвалюцыі, чым буйныя тэхналагічныя адкрыцці. Правёў фундаментальнае даследаванне на тэму: што было б з транспартнай сістэмай Злучаных Штатаў, калі б не была вынайдзена чыгунка. Адзін з заснавальнікаў кліаметрыі.