У Вікіпедыі ёсць артыкулы пра іншых асоб з прозвішчам Лохтэ. Раян Стывен Лохтэ (англ.: Ryan Steven Lochte, 3 жніўня 1984, Канандайгуа, штат Нью-Ёрк, ЗША) — амерыканскі плывец, чатырохразовы алімпійскі чэмпіён. Уладальнік 26 залатых медалёў чэмпіянатаў свету, 12 з якіх перамог у 50-метровых басейнах і 14 — на кароткай вадзе. Перамог у агульнай складанасці 58 медалёў на буйных міжнародных спаборніцтвах: 38 залатых, 11 срэбраных і 9 бронзавых, якія ахопліваюць Алімпійскія гульні, чэмпіянаты свету ў 50-метровых басейнах і на кароткай вадзе, панамерыканскія гульняў і чэмпіянат Pan Pacific.
З’яўляецца ўніверсальным плыўцом, спецыялізуючыся ў плаванні вольным стылем на 100 і 200 метраў, на спіне і ў комплексным плаванні. За кар’еру ўсталяваў больш за 10 сусветных рэкордаў як у доўгіх, гэтак і ў кароткіх басейнах. Раян з’яўляецца дзеючым рэкардсменам свету на дыстанцыі 200 метраў комплексным плаваннем.