Рацьзя (в’етн.: Rạch Giá) — горад на поўдні В’етнама. Адміністрацыйны цэнтр правінцыі К’ензянг. Насельніцтва (2009 г.) - 226 316 чал.
Рацьзя быў заснаваны каланіяльнымі французскімі ўладамі ў 1867 г. на месцы старога кхмерскага паселішча. Лічыцца, што назва горада паходзіць ад в’етнамскага слова rạch, літаральна “канал”. У 1970 г. Рацьзя стаў цэнтрам правінцыі К’ензянг.
Рацьзя важны транспартны цэнтр у дэльце Меконга. Дзейнічаюць мясцовы аэрапорт, пасажырскі і рыбалоўны порт, аўтобусная станцыя. У развіцці эканомікі (2012 г.) вызначаюцца сферы паслуг (72,48%) і рыбалоўства (10,81%).