Расічка лінейная[3], Расічка звычайная[4] (Digitaria ischaemum) — від травяністых раслін сямейства Метлюжковыя (Poaceae).
Аднагадовая расліна вышынёй 5-50 см ад гарызантальнага да ўзыходзячага росту. Ляжачыя сцеблы не ўтвараюць ў вузлах каранёў. Кароткія, 2-5 мм шырынёй, светла-зялёнае лісце даўжынёй 2-10 см, Язычок 1-2 мм даўжынёй. Каласкі даўжынёй 2-2,5 мм, яйкападобныя. Светла-карычневага колеру, з двух бакоў звужаныя плады 1,5-3 мм даўжынёй і 1,5 мм шырынёй.
Вобласць распаўсюджання ад Паўднёва-Усходняй і Паўднёвай Еўропы да Японіі. Натуралізаваны: Аўстралія, Бутан, Канада, Мексіка, ЗША, Пуэрта-Рыка, Чылі. Расце на свежых, багатых пажыўнымі рэчывамі, звычайна вапнава-бедных, умерана вільготных кіслых глебах.
Ва Украіне расце на пясках, каля дарог, па берагах вадаёмаў, у населеных пунктах, як пасляўборачнае пустазелле на палях і агародах — у лясных раёнах лесастэпу і паўночна-ўсходняй частцы стэпу, даволі часта; па Дняпры спускаецца да яго вусця[4].