Расма́цкае балота — вярховае балота на паўночным усходзе Кіраўскага раёна, у вадазборы р. Друць. Плошча балота складае 206 га, у межах прамысловага паклада 162 га. Сярэдняя глыбіня торфу 1,8 м, ступень распаду 29 %, попельнасць 5 %. На 1 студзеня 1984 года запасы торфу 0,4 млн т. Мае значныя запасы бітумінознага торфу, уваходзіць у склад Клічаўскай базы бітумнай сыравіны. Балота ў натуральным стане пад рэдкім хваёвым лесам.