У Вікіпедыі ёсць артыкулы пра іншых людзей з імем Раман Сангушка. Рама́н Станісла́ў Сангу́шка (польск.: Roman Stanisław Sanguszko; 24 красавіка 1800, в. Антаніны, Валынь — пам. 26 сакавіка 1881 года ў Славуце) — князь, грамадскі дзеяч.
Сын генерала Яўстахія Эразма Сагнушкі, старэйшы брат Уладзіслава Гераніма Сангушкі. Служыў у гвардыі Расійскай імперыі. Трапіў у палон у бітве пад Лысабокамі пад час паўстання 1830—1831 г.г. За ўдзел у паўстанні быў сасланы ў Сібір, а потым на Каўказ. На Каўказе ўдзельнічаў у сутычках з мясцовымі горнымі плямёнамі, быў кантужаны. У 1844 годзе вярнуўся на радзіму. Шмат зрабіў для развіцця мястэчка Славуты. Заснаваў тут суконную фабрыку, гадаваў арабскіх скакуноў. Памёр 26 сакавіка 1881 года.