Ральф Крэйг (англ.: Ralph Craig; 21 чэрвеня 1889 — 21 ліпеня 1972) — амерыканскі бягун на кароткія дыстанцыі. Алімпійскі чэмпіён 1912 года на дыстанцыях 100 і 200 метраў.
Першапачаткова спецыялізаваўся на бегу з бар’ерамі. Выпускнік Мічыганскага ўніверсітэта.
Сцяганосец зборнай ЗША на цырымоніі адкрыцця Алімпійскіх гульняў 1948 года. Таксама на Алімпіядзе ў Лондане быў запасным удзельнікам зборнай па парусным спорце. У 2010 годзе ўключаны ў Залу славы лёгкай атлетыкі ЗША.