wd wp Пошук: ⬜

Радыёла лёнападобная

Радыёла лёнападобная[4][5] (Radíola linoídes) — аднагадовая травяністая расліна; від роду Радыёла (Radiola) сямейства Лёнавыя (Linaceae).

Батанічнае апісанне

Аднагадовая травяністая расліна вышынёй 5-10 см, з тонкім коранем.

Сцябло прамое, тонкае, голае, часта чырванавата-афарбавана, ад аснавання вілавата-галінастае.

Лісце круглявае або падоўжанае, супратыўнае, сядзячае, цэльнакрайняе.

Кветкі дробныя, сабраны ў верхавінныя суквецці, чатырохчленныя, са зрослымі пры аснаванні надрезаннымі чашалісцікамі і белымі зваротнаяйкападобнымі пялёсткамі, роўнымі чашалісцікамі. Цвіце ў маі — верасні.

Лік храмасом: 2n=18[6].

Арэал

Паўночная Амерыка, Усходняя Еўропа, Прыбалтыка, Паўночная Афрыка, еўрапейская частка Расіі.[6].

Ахоўны статус

Уваходзіць у Чырвоныя кнігі Латвійскай, Літоўскай і Эстонскай Рэспублік[5]. У Расіі від уваходзіць у Чырвоныя кнігі Уладзімірскай, Калужскай, Ленінградскай і Ліпецкай абласцей[5], раней уваходзіў у Чырвоную кнігу Растоўскай вобласці. Расце на тэрыторыі Окскага запаведніка[7]. Рашэннем Луганскага абласнога савета № 32/21 ад 03.12.2009 г. від уваходзіць у «Спіс рэгіянальна рэдкіх раслін Луганскай вобласці»[8].

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
↑ Muscari neglectum Guss. ex Ten. is an accepted name (англ.) . Royal Botanic Gardens, Kew and Missouri Botanical Garden. Праверана 10 лістапада 2013.
↑ Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 108. — 160 с. — 2 350 экз.
1 2 3 Радыёла лёнападобная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.) (Праверана 10 лістапада 2013)
1 2 Краснокнижный вид Radiola linoides в Красной книге Владимирской области. ООПТ России. Праверана 10 лістапада 2013.
↑ Radiola linoides Roth.. ООПТ России. Праверана 10 лістапада 2013.
↑ Неабходна задаць title= і url= для шаблона {{cite web}}. . Архівавана з першакрыніцы 29 кастрычніка 2013.

Літаратура

Губанов И. А., Киселёва К. В., Новиков В. С., Тихомиров В. Н. 861. Radiola linoides Roth — Радиола льновидная // Иллюстрированный определитель растений Средней России. В 3-х томах. — М.: Т-во научных изданий КМК, Ин-т технологических исследований, 2003. — Т. 2. Покрытосеменные (двудольные: раздельнолепестные). — С. 516. — ISBN 9-87317-128-9.

Спасылкі

Радиола льновидная; Radiola linoides Roth (руск.) . База данных “Флора сосудистых растений Центральной России”. Архівавана з першакрыніцы 10 лістапада 2013. Праверана 10 лістапада 2013.