Рагулькі Аякса[3] (Consolida ajacis) — гэта аднагадовая расліна сямейства Казяльцовых родам з Еўразіі.
Шырока распаўсюджаная ў розных абласцях Еўразіі і па большай частцы Паўночнай Амерыкі, дзе від быў інтрадукаваны.
Яго часта вырошчваюць у садках як дэкаратыўную расліну за яго прыгожыя кветкі блакітнага, ружовага або белага колераў. Расліна можа дасягаць метра ў вышыню. Паколькі ў надземных частак і насенні былі выяўленыя дыцерпеноіды, у тым ліку высокатаксічныя, расліну варта разглядаць як атрутную.