Рага́цік язычковы[1], Клаварыядэльфус язычковы (Clavariadelphus ligula) — ядомы базідыяльны грыб з роду Рагацік (Clavariadelphus) сямейства Рагацікавыя (Clavariadelphaceae).
Пладовае цела булавападобнае, вышынёй 6—8[1] см, не галінуецца. Афарбавана ў аранжава-жоўтыя або крэмавыя тоны. Пры высыханні набывае шаравата-бураваты колер[1]. Ножка да асновы звужваецца. Мякаць белая ці крэмавая, без паху. Споры белыя, гладкія.