Пётр Сцяпанавіч Лопух (нар. 10 жніўня 1949, в. Мерчыцы, Пінскі раён, Брэсцкая вобласць) — беларускі географ, гідролаг. Доктар геаграфічных навук (2003), прафесар (2010).
Скончыў Беларускі дзяржаўны ўніверсітэт (спецыяльнасць «Фізічная геаграфія», 1972), Цэнтральны навукова-даследчы інстытут комплекснага выкарыстання водных рэсурсаў (аспірантура, 1980).
Працаваў у Беларускім дзяржаўным універсітэце (геаграфічны факультэт, кафедра агульнага землязнаўства і гідраметэаралогіі, з 2003 — загадчык кафедры).
Навуковыя інтарэсы: колькасная і якасная ацэнка водных рэсурсаў; пытанні эвалюцыі водных экасістэм; адаптацыя гаспадаркі да ўмоў зменлівасці клімату; методыка выкладання геаграфіі ў сярэдняй школе.