Пётр Мікалаевіч Кобрынец (25 жніўня 1946, в. Дубна, Мастоўскі раён, Гродзенская вобласць — 3 лістапада 1994) — беларускі гісторык. Доктар гістарычных навук (1988), прафесар (1989). Кандыдат педагагічных навук (1972).
Скончыў Гродзенскі педагагічны інстытут імя Я. Купалы (1968), Беларускі дзяржаўны ўніверсітэт (аспірантура).
Працаваў у Мінскім інстытуце замежных моў; Гродзенскім дзяржаўным універсітэце імя Я. Купалы (з 1973, кафедра гісторыі СССР і БССР, старшы выкладчык, з 1981 — загадчык кафедры гісторыі СССР, з 1992 — загадчык кафедры гісторыі славянскіх дзяржаў).
Навуковыя інтарэсы: гісторыя настаўніцтва і школ на тэрыторыі Беларусі ў гады Вялікай Айчыннай вайны.