У Вікіпедыі ёсць артыкулы пра іншых асоб з прозвішчам Грывусевіч. Пётр Браніслававіч Грывусевіч (18 сакавіка 1935, в. Пераградзь, Мядзельскі раён, Мінская вобласць — 24 жніўня 2020, Наваполацк) — беларускі мастак.
Скончыў Мінскае мастацкае вучылішча (1966). Удзельнік мастацкіх выстаў з 1968 г. За актыўную творчую дзейнасць быў узнагароджаны граматамі Віцебскай абласной арганізацыі Саюза мастакоў БССР, Віцебскага абкама камсамола, аддзела культуры г. Наваполацка. Член Беларускага саюза мастакоў (1996). Жыў у Наваполацку.
Працаваў у станковым жывапісе ў жанрах гістарычнай карціны, пейзажа. Асноўныя творы: палотны «Дарогамі вайны» (1970), «Маці» (1973), «Летняя пара» (1985), «Развітанне з восенню», «Воблакі над Дзвіной» (1989), «Старажытны Полацк» (1986); трыпціх «Полацкая зямля».
Работы захоўваюцца ў прыватных зборах, а таксама ў фондах Музея гісторыі і культуры г. Наваполацка (каля 40 работ), перыядычна экспануюцца на персанальных выставах мастака і іншых тэматычных выставах музея.