«Пушчык едзе ў Прагу» (чэшск.: Puščik jede do Prahy) — дзіцячая прыгодніцкая камедыя. Адзіная камедыя ў творчасці майстра дзіцячага ваенна-прыгодніцкага кіно Льва Голуба. Фільм зняты ў 1965 годзе кінастудыяй «Беларусьфільм» сумесна з кінастудыяй «Барандаў» (ЧССР).
Акцёры: Андрэй Філатаў, Вова Сямёнаў, Катаржына Траўнічкова, Анатоль Дзегцяроў, Валянціна Ушакова, Зоя Фёдарава, Уладзімір Дарафееў, Антаніна Бендава, Здэнэк Дыце, В. Меньшыкаў , Д. Рафальскі.
Адпачываючы ў Артэку, дванаццацігадовы Юрась паабяцаў сваёй чэшскай сяброўцы Здэне падарыць медзведзяня з Белавежскай пушчы. Разам з прыяцелем герой адпраўляецца ў пушчу. Пасля шэрагу прыгод яны выкрадаюць ў мядзведзіцы медзведзяня, затым хаваюцца ад пераследу мядзведзіцы ў былым партызанскім лагеры, заблукаюць і трапляюць у рукі да памежнікаў.