wd wp Пошук: ⬜

Пульсаксіметр

Пульсаксіметр (англ.: pulse oximeter) — медыцынскі прыбор, які вымярае неiнвазiўным спосабам узровень насычэння кіслародам капілярнай крыві.

Сучасная версія пульсаксiметра была распрацавана Такуо Аоягi ў 1974 годзе для японскай кампаніі Nihon Kohden.[1]

Прынцып работы

Пульсаксiметр з’яўляецца зручным неiнвазiўным вымяральным прыборам, ён паказвае працэнт крыві, якая змяшчае кісларод. Больш канкрэтна, ён паказвае працэнтнае ўтрыманне артэрыяльнага гемаглабіну ў складзе оксiгемаглабiну (бялку крыві, якi пераносiць кісларод). Звычайна прымальныя дыяпазоны для пацыентаў без захворванняў лёгкіх складаюць ад 95 да 99 адсоткаў.[2] Тыповы пульсаксiметр выкарыстоўвае мікрапрацэсар з парай невялікіх святлодыёдаў (LED), сфакусаваных на фотадыёд, які пасылае імпульсы. Як правіла, прылада ўжываецца ў месцы, працятым павярхоўным кровазваротам, такі як палец рукі або мочка вуха. Адзін святлодыёд мае даўжыню хвалі 660 нм (чырвоны), а другі — 940 нм (інфрачырвоны).[3][4] Паглынанне святла на гэтых даўжынях хваль значна адрозніваецца для крыві, насычанай кіслародам, і крыві, збедненай кіслародам[5]:

• Акіслены гемаглабін паглынае больш інфрачырвонага выпраменьвання і прапускае больш чырвонага святла — 940 нм.
• Неакіслены гемаглабін паглынае больш чырвонага святла і прапускае больш інфрачырвонага выпраменьвання — 660 нм.

Абмежаванні

• Пульсаксiметр не дазваляе ўсталяваць, з якой малекулай звязаны гемаглабін, таму яго не варта ўжываць пры атручванні чадным газам;[6]
• На дакладнасць вымярэння прылады ўплывае гіпатанія, паніжаная тэмпература цела, рухальная актыўнасць;[7]
• Мецiленавы сіні ў крыві можа сказіць вынікі, памяньшаючы значэнні;[8]
• Чорны, сіні і зялёны лак для пазногцяў уплывае на даўжыню хвалi прылады.[9]

Зноскі

1. ↑ Takuo Aoyagi, Inventor of the Pulse Oximeter, Dies at Age 84 (нявызн.). spectrum.ieee.org. Праверана 19 лістапада 2021.
2. ↑ Как работает пульсоксиметр и зачем измерять уровень сатурации (нявызн.). yavitrina.ru. Праверана 19 лістапада 2021.
3. ↑ Principles of pulse oximetry (нявызн.). frca.co.uk. Архівавана з першакрыніцы 24 лютага 2015. Праверана 19 лістапада 2021.
4. ↑ Принцип работы пульсоксиметра (нявызн.). choicemmed.ru. Праверана 19 лістапада 2021.
5. ↑ Principles of Pulse Oximetry Technology (нявызн.). oximetry.org. Архівавана з першакрыніцы 18 сакавіка 2015. Праверана 19 лістапада 2021.
6. ↑ Pulse oximetry in severe carbon monoxide poisoning (нявызн.). pubmed.ncbi.nlm.nih.gov. Праверана 19 лістапада 2021.
7. ↑ The correct use of pulse oximetry in measuring oxygen status (нявызн.). nursingtimes.net. Праверана 19 лістапада 2021.
8. ↑ Пульсоксиметрия (нявызн.). cyberleninka.ru. Праверана 19 лістапада 2021.
9. ↑ The effect of nail polish on pulse oximetry (нявызн.). pubmed.ncbi.nlm.nih.gov. Праверана 19 лістапада 2021.

Спасылкі

• На Вікісховішчы ёсць медыяфайлы па тэме Пульсаксіметр

Тэмы гэтай старонкі (5):
Катэгорыя·Медыцынскае абсталяванне
Катэгорыя·Старонкі з няправільным сінтаксісам спасылак на крыніцы
Катэгорыя·Вымяральныя прыборы
Катэгорыя·Медыцынская тэрміналогія
Катэгорыя·Медыцынская дыягностыка