wd wp Пошук: ⬜

Птушкагадоўля ў Беларусі

Птушкагадоўля Беларусі — галіна жывёлагадоўлі, якая займаецца гадоўляй сельскагаспадарчых птушак. Галоўнымі прадуктамі птушкагадоўлі з’яўляюцца мяса, яйкі, пух і пер’е.

Беларусь поўнасцю забяспечвае ўласныя патрэбы па вытворчасці мяса птушкі[1].

Структура птушкафабрык

У 2015-16 гадах былі ўведзеныя ў эксплуатацыю буйныя птушкафабрыкі на 210 тыс. кур-нясушак у суме. У 2010-2016 гадах было пабудавана некалькі птушкафабрык мяснога напрамку агульнай магутнасцю 27,1 млн галоў у год[2].

У Беларусі на 2017 год налічвалася 19 птушкафабрык па вырошчванні кур, з якіх 11 — бройлернага накірунку, а 8 — яечнага. Таксама мелася 4 птушкафабрыкі па вырошчванні індычкі і дзве па вырошчванні гусей і качак[3].

Акрамя гэтага ў Беларусі працуюць 12 племянных прадпрыемстваў[4].

Пагалоўе

У беларускіх гаспадарках усіх відаў змяшчалася (2014) 45,7 млн галоў птушкі ўсіх відаў (40 млн у сельскагаспадарчых арганізацыях, 5,6 млн у асабістых гаспадарках)[5]. Да 2017 года колькасць галоў птушкі вырасла да 49,5 млн (44,3 млн у сельскагаспадарчых арганізацыях і 5,1 млн у асабістых гаспадарках)[6]. Па пагалоўю птушкі лідзіруе Мінская вобласць - 15,8 млн. У астатніх абласцях пагалоўе птушкі вагаецца ад 5 да 7 млн галоў[7]. У некалькіх раёнах пагалоўе птушкі перавышае 1 млн: у Магілёўскім - 5,1 млн, на Смалявіцкім - 4,5 млн, у Баранавіцкім - 4,1 млн, у Гродзенскім - за 3,8 млн, у Мінскім - за 3,3 млн, у Дзяржынскім - 3,2 млн, у Віцебскім - за 2,8 млн, у Буда-Кашалёўскім і Гомельскім - па 1,8 мільёна, у Салігорскім - 1,5 млн[8].

Дыяграма паказвае дынаміку пагалоўя сельскагаспадарчай птушкі ў Беларусі у млн. галоў[9].

Вытворчасць мяса

Табліца паказвае дынаміку вытворчасці мяса птушкі ў Беларусі у млн. галоў[10].

Паралельна з ростам пагалоўя птушкі ў 2010-я гады істотна вырасла яе рэалізацыя на забой:

	2012	2013	2014	2015	2016
Птушка (у забойнай вазе), тыс. тон	423,3	458,8	422,1	445,6	457,7
Удзельная вага птушкі ў агульнай вытворчасці жывёлы і птушкі, %	38,8	39,1	39,3	38,8	39,1

Год	Усяго (тыс. т)[11][12]	Δ	Буйнымі с/г арганізацыямі	Фермерамі	Гаспадаркамі насельніцтва
2010	347		338	3	6
2011	400	+15%	386	3	12
2012	470	+17,5%	457	3	11
2013	510	+8,5%	497	3	10
2014	563	+10,5%	548	3	12
2015	603	+7%	589	3	12
2016	617	+2%	603	3	11
2017	651	+5,5%	638	3	11
2018	685	+5,1%	671	4	10

Дыяграма паказвае дынаміку вытворчасці мяса птушкі ў Беларусі на душу насельніцтва, кг[13].

Вытворчасць яек

У 2016 годзе гаспадаркі ўсіх катэгорый Рэспублікі Беларусь вырабілі 3665 млн яек, у тым ліку 2879 млн вырабілі буйныя сельскагаспадарчыя арганізацыі, 785 млн — асабістыя гаспадаркі насельніцтва, 1,2 млн — фермерскія гаспадаркі. Больш за ўсё яек вырабілі гаспадаркі Мінскай вобласці (1168 млн, або 32 %). У гаспадарках Брэсцкай вобласці было выраблена 622 млн яек, Віцебскай вобласці — 530 млн, у астатніх абласцях — 400—490 млн[14].

Вытворчасць яек па гадах ва ўсіх катэгорыях гаспадарак[15][16][17]:

Эканамічныя паказчыкі

Вытворчасць мяса птушкі і яек у Рэспубліцы Беларусь характарызуецца ўстойлівай станоўчай рэнтабельнасцю, што выгадна адрознівае птушкагадоўлю ад вытворчасці свініны і ялавічыны. У 2018 годзе рэнтабельнасць птушкагадоўчых прадпрыемстваў склала ў сярэднім 4,8 % па мясе птушкі і 4,5 % па яйках, прычым за 2012—2017 гады гэтыя паказчыкі не апускаліся ніжэй 4 %[18].

Зноскі

1. ↑ [http://www.eurasiancommission.org/ru/act/prom_i_agroprom/dep_agroprom/sensitive_products/Documents/%D0%BE%D0%B1%D0%B7%D0%BE%D1%80%20%D0%9F%D0%9B%D0%9E%D0%94%D0%AB%2030-11.pdf Уровень обеспеченности мясом птицы собственного производства, %]. С. 39 (руск.)
2. ↑ СХРБ, 2017, с. 51
3. ↑ Наличие птицефабрик в государствах-членах ЕАЭС. С. 15 (руск.)
4. ↑ Обеспеченность племенным материалом. С. 17 (руск.)
5. ↑ СХРБ, 2014, с. 92
6. ↑ СХРБ, 2017, с. 130
7. ↑ СХРБ, 2017, с. 136
8. ↑ СХРБ, 2017, с. 145—146
9. ↑ Поголовье сельскохозяйственной птицы в ЕАЭС на конец года, млн. голов. С. 13 (руск.)
10. ↑ Производство мяса птицы в государства-членах ЕАЭС, тыс. тонн. С. 13 (руск.)
11. ↑ СХРБ, 2017, с. 150
12. ↑ СХРБ, 2019, с. 150
13. ↑ Производство на душу населения мяса птицы в государствах-членах ЕАЭС, кг. С. 14 (руск.)
14. ↑ СХРБ, 2017, с. 155
15. ↑ Сельское хозяйство Республики Беларусь: статистический сборник. — Мн., 2012. — С. 100.
16. ↑ Беларусь в цифрах, 2019. — Мн.: Национальный статистический комитет Республики Беларусь, 2019. — С. 39.
17. ↑ Сельское хозяйство Республики Беларусь: статистический сборник. — Мн.: Национальный статистический комитет Республики Беларусь, 2018. — С. 155.
18. ↑ СХРБ, 2019, с. 182

Спасылкі

	Птушкагадоўля ў Беларусі на Вікісховішчы

Тэмы гэтай старонкі (8):
Катэгорыя·Птушкагадоўля
Катэгорыя·Вікіпедыя·Запыты на пераклад з рускай
Катэгорыя·Жывёлагадоўля ў Беларусі
Катэгорыя·Вікіпедыя·Шаблон «Вонкавыя спасылкі» пусты
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D1%82%D1%8D%D0%B3%D0%B0%D0%BC graph
Катэгорыя·Вікіпедыя·Спасылка на Вікісховішча непасрэдна ў артыкуле
Category:%D0%A1%D1%82%D0%B0%D1%80%D0%BE%D0%BD%D0%BA%D1%96%2C %D1%8F%D0%BA%D1%96%D1%8F %D0%B2%D1%8B%D0%BA%D0%B0%D1%80%D1%8B%D1%81%D1%82%D0%BE%D1%9E%D0%B2%D0%B0%D1%8E%D1%86%D1%8C %D1%87%D0%B0%D1%81%D0%B0%D0%B2%D1%8B%D1%8F %D0%B4%D1%8B%D1%8F%D0%B3%D1%80%D0%B0%D0%BC%D1%8B
Катэгорыя·Вікіпедыя·Спасылка на катэгорыю Вікісховішча адсутнічае ў Вікідадзеных