Прудуне́лі — возера ў Браслаўскім раёне Віцебскай вобласці, за 36 км на паўднёвы захад ад горада Браслаў, каля вёскі Біцюны, у басейне ракі Дзісна. Возера знаходзіцца каля мяжы з Літвой.
Плошча паверхні 0,14 км². Даўжыня 0,55 км, найбольшая шырыня 0,3 км. Даўжыня берагавой лініі 1,75 км. Катлавіна возера выцягнутая ў напрамку з паўночнага захаду на паўднёвы ўсход. Схілы катлавіны дасягаюць вышыні 5 м. Берагавая лінія звілістая. У паўднёва-заходняй частцы возера заліў. На поўначы забалочаная пойма шырынёй да 300 м. Злучана ручаём з возерам Прутас.