wd wp Пошук:
    ⬜

    Пратэсты ў Новых Санжарах

    Пратэсты ў Новых Санжарах адбываліся з 19—20 лютага 2020 года ў ваколіцах пасёлка гарадскога тыпу Наві Санжары (Палтаўская вобласць, Украіна) супраць людзей, якія былі эвакуяваны з кітайскага гораду Ухань, дзе пачалася ўспышка хваробы 2019-nCoV.

    Прычына

    Украінскі самалёт, які 19 лютага вылецеў з Уханя, эпіцэнтру распаўсюджання небяспечнага вірусу, не змог праз туман прызямліцца ў запланаваны час у Харкаве і вымушаны быў вярнуцца ў Кіеў на дазапраўку. У гэты час стала вядома, што эвакуаваных размесцяць у санаторыі Нацыянальнай гвардыі Украіны ў Новых Санжарах.

    Усяго было эвакуявана 79 чалавек, аднаму пасадка была адхілена з-за прысутнасці сабакі, 4 чалавекам было адмоўлена ва ўездзе з-за наяўнасці хваробы. З іх 45 украінцаў, астатнія 27 — замежнікі. У каранцін былі накіраваны ўсе пасажыры і экіпаж самалёта, усяго 94 чалавекі, у тым ліку 22 члены экіпажа і лекары[1].

    Уладамі Украіны было прынята рашэнне часова размясціць людзей у медыцынскі цэнтр Міністэрства ўнутраных спраў Украіны «Наві Санжары»[2].

    Ход падзей

    Увечары 19 лютага мясцовыя жыхары сабраліся на мосце Ворскла, які вядзе да медыцынскага цэнтра[3].

    Дэпутаты Новасанжарскай сельскай рады выступілі супраць карантыну і запісалі звароты да прэзідэнта Украіны У. Зяленскага і міністра аховы здароўя Украіны Зараны Скалецькай[4][5].

    У ноч з 19 на 20 лютага мясцовыя жыхары перакрылі дарогі, каб прадухіліць размяшчэнне эвакуіраваных, а аўтобусы з эвакуяванымі закідалі камянямі. Людзі пачалі паліць шыны, а паліцыя пачала акружаць удзельнікаў акцыі[6][7][8]. У тую ж ноч, прэм’ер-міністр Аляксей Ганчарук прыляцеў у Наві Санжары, каб стварыць урадавы аператыўны штаб[3].

    Раніцай 21 лютага міністр Зарана Скалецька абвясціла, што будзе жыць у карантыне, сумесна з эвакуіраванымі. З 900 мясцовых вучняў у школах населенага пункта, больш за 400 не прыйшлі з-за забароны бацькоў[9].

    Вынікі

    У выніку сутычак паміж Нацгвардыяй і мясцовымі жыхарамі пацярпелі 9 службоўцаў і адзін мясцовы[10]. Затрыманыя 24 найбольш актыўныя ўдзельнікі пратэсту. Пасля было ўзбуджана 5 крымінальных спраў[11].

    Украінскія медыкі спынілі назіранні стану здароўя іншаземцаў і ўкраінцаў, насуперак пратэстам мясцовых жыхароў размешчаных у санаторыі, цераз 14 дзён. Паводле заключэнняў лекараў, усе эвакуаваныя і іх праважатыя былі здаровыя і змаглі вяртацца дадому. 5 сакавіка на завяршэнне абсервацыі (карантыну) у Новых Санжарах прыехалі найвышэйшыя асобы Украіны, у тым ліку Прэзідэнт Уладзімір Зяленскі, ён падзякаваў кіраўнікам мясцовай улады і медыкам[12].

    Міжнародная рэакцыя

    Гл. таксама

    Зноскі

    1. ↑ Пасажири рейсу з Уханя приземлилися в Харкові, – ДПСУ(укр.) . Новинарня (20 лютага 2020).
    2. ↑ Протести у Нових Санжарах: Гончарук і Скалецька терміново вилетіли на Полтавщину(укр.) . 24 канал (20 лютага 2020).
    3. 1 2 У Нових Санжарах поновилися сутички: на мості місцеві запалили шини(укр.) . 24 канал (20 лютага 2020).
    4. ↑ ЗВЕРНЕННЯ депутатів Новосанжарської селищної ради до Президента України Володимира Зеленського, міністерки охорони здоров’я України Зоряни Скалецької(укр.) . Афіцыйны сайт Навасанжарскай сельскай рады і выканаўчага камітэта (20 лютага 2020).
    5. ↑ Нові Санжари проти евакуації: які аргументи місцевої влади(укр.) . 24 канал (20 лютага 2020).
    6. ↑ Евакуйованих українців по прибуттю до Санжарів мітингувальники закидали камінням – джерела (ОНОВЛЕНО)(укр.) . Mind.ua (20 лютага 2020).
    7. ↑ Евакуйовані з Китаю у Нових Санжарах ФОТО, ВІДЕО Оновлено(укр.) . Kolo.news (20 лютага 2020).
    8. ↑ Правоохоронці реагуватимуть на ймовірні правопорушення згідно з Законом - Артем Шевченко(укр.) . Афіцыйны сайт Нацыянальнай паліцыі Украіны (20 лютага 2020).
    9. ↑ У Нових Санжарах майже половина дітей не прийшла до школи(укр.) . РБК-Украина (20 лютага 2020).
    10. ↑ Під час зіткнень у Нових Санжарах постраждали 9 поліцейських(укр.) . РБК-Украина (20 лютага 2020).
    11. ↑ Поліція відкрила п’ять справ через зіткнення в Нових Санжарах(укр.) . РБК-Украина (20 лютага 2020).
    12. ↑ svaboda.org
    13. ↑ ООН осудила насилие в Новых Санжарах(руск.) . Кременьчуцька газета (20 лютага 2020).
    Тэмы гэтай старонкі (5):
    Катэгорыя·2020 год ва Украіне
    Катэгорыя·Пандэмія COVID-19
    Катэгорыя·Пратэсты 2020 года
    Катэгорыя·Акцыі пратэсту ва Украіне
    Катэгорыя·2020 год у Палтаўскай вобласці