Постпраўда (англ.: post-truth) — паняцце, што апісвае грамадзкае хваляванне аб тым, хто з’яўляецца аўтарытэтнай крыніцай для ацэнкі праўдзівасці публічнае інфармацыі.[1] Паняцце таксама тычыцца гістарычнага кантэксту, ў якім узніклі адпаведныя формы камунікацыі ды прыёмы.[2] Оксфардскі слоўнік назваў гэты тэрмін словам году ў 2016, даўшы такое вызначэнне: “пазначае акалічнасці, пры якіх аб’ектыўныя факты з’яўляюцца менш значымімі для фармавання грамадзкае думкі, чым апеляцыя да эмоцый і асабістых перакананняў”.[3][4] Аўтары слоўніка растлумачваюць, што частата выкарыстання тэрміну вырасла ў камунікацыйным кантэксце перыяду прэзідэнцкіх выбараў у ЗША ды рэферэндуму пра Brexit, а само паняцце часта выкарыстоўваюць як акрэсленьне пэўнага віду палітыкі — палітыкі постпраўды.[5]
Некаторыя даследнікі лічаць, што постпраўда падобная да мінулых маральных, эпістэмалягічных ды палітычных дэбатаў аб рэлятывізме, постмадэрнасці ды хлусні ў палітыцы,п[6] тады як іншыя настойваюць на тым, што постпраўда тычыцца унікальных гістарычных, сацыяльных ды палітычных адносінаў і форм, ўласцівых тэхналогіям і культурным практыкам 21-га стагодздзя.[7]