wd wp Пошук: ⬜

Пол Блэктарн

Пол Блэктарн (англ.: Paul Blackthorn; нар. 5 сакавіка 1969, Велінгтан, Шропшыр) — англійскі акцёр

Біяграфія

Нарадзіўся ў Шропшыры, у Англіі, аднак вялікую частку дзяцінства правёў на брытанскіх ваенных базах у Англіі і Германіі. Блэктарн прабіўся ў акцёры, здымаючыся ў рэкламе. Прарывам для яго стала рэклама для кампаніі Virgin Atlantic.

Першай паспяховай роляй на кінаэкранах для Блэктарна была роля капітана Эндру Расэла ў намінаваным на «Оскар» індыйскім фільме «Лагаан: Аднойчы ў Індыі». Ён правёў шэсць месяцаў, вывучаючы хіндзі для ролі.

Здымаўся ў Mindcrime, а таксама ў фільме «Four Corners of Suburbia». Пол здымаўся і ў іншых незалежных карцінах — ён сыграў Брэта Істана ў «This is Not an Exit», таксама здымаўся ў адной з галоўных роляў у брытанскім фільме «The Truth Game». Зняўся ў галоўнай ролі фільма «Дэйзі Уінтэрс» (2017).