У Вікіпедыі ёсць артыкулы пра іншых асоб з прозвішчам Андэрсан.
Перніла Марыя Тэрэза Андэрсан Дрэген (шведск.: Pernilla Maria Theresa Andersson Dregen; нар. 10 снежня 1974, Стакгольм) — шведская спявачка, прадзюсар, музыкант і аўтар песень.
Трэнер па вакале ў тэлевізійнай праграме «Сапраўдны талент»[1].
Андэрсан скончыла Каралеўскую вышэйшую музычную школу ў Стакгольме са ступенню магістра. Пасля вучылася ў акадэміі балета ў Гётэбаргу.
З 1999 года выпусціла 10 сольных альбомаў. Пернілу намінавалі на прэмію Грэмі з яе англамоўным альбомам «Ashbury, the Apple»[2].
Андэрсан займаецца пытаннем захавання навакольнага асяроддзя Балтыйскага мора, таму яна ахвяравала частку прыбытку ад выпуску альбома «Give a damn in the water» на дабрачыннасць па выратаванні рыбы.
У 2011 годзе спявачка ўдзельнічала ў конкурсе песні Melodifestivalen[3]. У 2016 яна таксама ўдзельнічала ў гэтым конкурсе з песняй «Нeart Of Gold».
Перніла таксама займаецца сацыяльнымі пытаннямі, якія звязаны з гендарнай роўнасцю і гендарнай справядлівасцю, і з’яўляецца настаўнікам для маладых дзяўчат, якія хочуць трапіць у музычную індустрыю.