Пенелопа «Пені» Алексяк (англ.: Penelope “Penny” Oleksiak; нар. 13 чэрвеня 2000, Таронта, Антарыа) — канадская плыўчыха, алімпійская чэмпіёнка (2016), двухразовая чэмпіёнка свету на кароткай вадзе (2016), бронзавы прызёр чэмпіянату свету па водных відах спорту (2017), сярэбраны прызёр Гульняў Садружнасці (2018).
Валодае алімпійскім рэкордам, рэкордам Амерыкі на дыстанцыі 100 метраў вольным стылем, рэкордамі Канады на дыстанцыях 50 і 100 метраў батэрфляем.
За свае дасягненні на Алімпіядзе ў Рыа і чэмпіянаце свету на кароткай вадзе 2016 года атрымала прыз імя Лу Марша.