Пеламіды (Sarda) — род рыб сямейства скумбрыевых атрада акунепадобных. 4 віды. Пашыраны ў трапічных водах усіх акіянаў; 2 віды, у тым ліку пеламіда атлантычная, або звычайная (Sarda sarda), заходзяць у воды ўмеранай зоны (трапляецца ў Чорным моры). Чародныя пелагічныя рыбы. Робяць сезонныя міграцыі.
Даўжыня да 100 (звычайна 60-65) см, маса да 7 (звычайна 3-4) кг. Знешне падобныя да тунцоў. Драпежнікі. Аб’ект промыслу.