У Вікіпедыі ёсць артыкулы пра іншых асоб з прозвішчам Парэта.
Паўла Беле́н Парэ́та (ісп.: Paula Belén Pareto; нар. 16 студзеня 1986, Сан-Фернанда, правінцыя Буэнас-Айрэс, Аргенціна) — аргенцінская дзюдаістка, якая выступае ў суперлёгкай (да 48 кг) вагавай катэгорыі. Алімпійская чэмпіёнка.
У 2008 годзе на летніх Алімпійскіх гульнях у Пекіне заваявала бронзавы медаль у вагавай катэгорыі да 48 кг, перамогшы ў барацьбе за трэцяе месца дзюдаістку з КНДР Пак Ок Сон.
У 2012 годзе брала ўдзел у летніх Алімпійскіх гульнях у Лондане, але заняла толькі 5-е месца, у барацьбе за бронзавы медаль прайграўшы бельгійскай дзюдаістцы Шарлін Ван Снік.
У 2016 годзе на летніх Алімпійскія гульні 2016 ў Рыа-дэ-Жанэйра заваявала залаты медаль, у фінале перамогшы карэйскую спартсменку Чон Бо Гён.
Алімпіяда | Дысцыпліна | Месца |
---|---|---|
Пекін 2008 | дзюдо, жанчыны да 48 кг | 3 месца |
Лондан 2012 | дзюдо, жанчыны да 48 кг | 5 месца |
Рыа-дэ-Жанэйра 2016 | дзюдо, жанчыны да 48 кг | 1 месца |