Пашуко́ўскі сельсавет — былая адміністрацыйна-тэрытарыяльная адзінка ў складзе Камянецкага раёна Брэсцкай вобласці. Цэнтр — вёска Пашукі.
Утвораны 12 кастрычніка 1940 года ў складзе Камянецкага раёна Брэсцкай вобласці БССР. 16 ліпеня 1954 года да сельсавета далучана тэрыторыя скасаванага Падбельскага сельсавета[1]. 9 чэрвеня 1958 года ў склад сельсавета з Дзмітровіцкага сельсавета перададзены 7 населеных пунктаў (вёскі Гулевічы, Клепачы, Навіцкавічы, Ступічава, Чарнакі, Шышова і Яменка)[2]. 15 студзеня 1962 года сельсавет перайменаваны ў Навіцкавіцкі, цэнтр перанесены ў вёску Навіцкавічы[3].