Пасемё, або басемё (малайск.: Besemah) — малайскае насельніцтва поўдню і сярэдняй часткі вострава Суматра. Назва паходзіць ад плато Пасемё. У Інданезіі разглядаюцца як асобны народ. Агульная колькасць - 723 000 чал.[1]
Пасемё склаліся як асобная група ў выніку ўзаемадзеяння карэннага насельніцтва плато Пасемё, дзе ўжо ў пачатку 1 тысячагоддзя н. э. сфарміравалася арыгінальная мегалітычная культура, з сундамі і малайцамі, якія валодалі паўднёвай Суматрай у XVII - XVIII стст. У каланіяльныя часы пасемё мелі племянную структуру грамадства падобна рэджангскай. Традыцыйныя заняткі — земляробства, рыбалоўства, паляванне.
Размаўляюць на дыялекце малайскай мовы. Асноўная рэлігія — іслам.