Папскі біблейскі інстытут
Папскі біблейскі інстытут (лац.: Pontificium Institutum Biblicum) — каталіцкая вышэйшая навучальная ўстанова з сядзібай у Рыме, якая кіруецца Святым Прастолам.
Гісторыя
У 1902 годзе Папа Леў XIII аб’явіў аб сваім рашэнні заснаваць біблейскі інстытут у Рыме. Яго рашэнне ажыццявіў Папа Пій X, які 7 мая 1909 года выдаў апостальскае пасланне “Vinea Electa”, якім заснаваў біблейскі інстытут універсітэцкага ўзроўню, які спецыялізуецца на выкладанні, вывучэнні і крытычным даследаванні біблейскіх тэкстаў. Біблейскі інстытут быў перададзены пад кіраванне манаскага ордэна езуітаў. Першапачаткова студэнты здавалі іспыты ў Папскай біблейскай камісіі. У 1916 годзе Біблейскі інстытут атрымаў ад Папы Бенедыкта XV ліцэнзію з правам надаваць навуковыя ступені.
У 1927 годзе ў Іерусаліме быў адчынены філіял інстытута. У 1932 годзе Папа Пій XI рэарганізаваў Біблейскі інстытут, дадаўшы да яго Каледж старажытнага Блізкага Усходу, які быў пераўтвораны ва ўсходазнаўчы факультэт.
У наш час Біблейскі інстытут арганізацыйна інтэграваны з Латэранскім універсітэтам і Папскім усходнім інстытутам.
У Біблейскім інстытуце дзейнічаюць усходазнаўчы факультэт і факультэт біблейскай экзегетыкі.
Зноскі
Спасылкі
На Вікісховішчы ёсць медыяфайлы па тэме Папскі біблейскі інстытут- Афіцыйная інтэрнэт-старонка ўстановы
Катэгорыя·Універсітэты паводле алфавіта
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Рым
Катэгорыя·Навучальныя ўстановы, заснаваныя ў 1909 годзе