Панцырныя рыбы

Панцырныя рыбы, або плакадэрмы (Placodermi) — клас сківічнаротых (Gnasthostomata), якія жылі ў палеазоі, пачынаючы з ранняга сілура. Росквіт панцырных рыб прыйшоўся на дэвон, аднак у яго канцы клас гэтых рыб цалкам вымер. Раннія панцырныя рыбы жылі выключна ў прэснай вадзе, але пазней яны перасяліліся і ў мора.

Характэрнай прыкметай панцырных рыб была абароненасць галавы і тулава касцяным панцырам. Самым буйным з прадстаўнікоў быў дунклеастэй, дасягаў 10 метраў у даўжыню.

Няма спасылак на крыніцы. Адсутнасць спасылак на крыніцы выклікае недавер да інфармацыі. Калі ласка, калі ведаеце крыніцы змешчанай у артыкуле інфармацыі, пазначце іх.