Палац Бобрынскіх — палац у Санкт-Пецярбургу. Размяшчаецца паміж Галернай вуліцай, Нова-Адміралцейскім і Адміралцейскім каналамі. Афіцыйны адрас: Галерная вуліца, 58-60. Помнік архітэктуры ў стылі класіцызму. у другой палове XVIII стагоддзя гарадской сядзібай на гэтым участку валодаў кабінет-сакратар Кацярыны II — А. В. Храпавіцкі, сын генерал-аншэфа В. І. Храпавіцкага, якога некаторыя крыніцы называюць першым уладальнікам сядзібы. Па прозвішчы Храпавіцкіх атрымаў сваю назву Храпавіцкі мост, што знаходзіцца непадалёк, цераз Мойку.
У 1790 годзе будынак быў набыты сенатарам П. В. Мятлевым, для якога быў перабудаваны архітэктарам Луіджы Руска.