Падаву́та — возера ў Глыбоцкім раёне Віцебскай вобласці ў басейне ракі Авута (выцякае з возера), за 28 км на паўночны ўсход ад горада Глыбокае, за 2,5 км на ўсход ад вёскі Прошкава.
Плошча паверхні 0,18 км². Даўжыня 1,15 км, найбольшая шырыня 0,25 км. Даўжыня берагавой лініі 2,52 км. Плошча вадазбору 11 км². Катлавіна лопасцевай формы, выцягнутая з паўночнага захаду на паўднёвы ўсход. Схілы катлавіны вышынёй да 10 м, стромкія, параслі хмызняком.
У возера ўпадаюць некалькі ручаёў. У паўночнай частцы выцякае рака Авута.