wd wp Пошук: ⬜

Павел Янавіч Яленскі

У Вікіпедыі ёсць артыкулы пра іншых асоб з прозвішчам Яленскі. Павел Янавіч Яленскі (польск.: Paweł Jeleński; 1776—1842) — дзяржаўны службовец.

Біяграфія

Паходзіў са шляхецкага роду Яленскіх герба «Корчак». Сын Яна Яленскага, пісара гродскага смаленскага і старасты мазырскага.

У 1804 годзе — харунжы мазырскі. Пазней суддзя 2-га дэпартамента галоўнага суда Мінскай губерні. У 1820 — памешчык. Спадчыннік маёнтка Лудзяневічы, валодаў маёнткам Капаткевічы (у 1821 г. 557 душ), мабыць, у Мазырскім павеце (у казначэйства яго ішлі падаткі).

Сябра масонскай ложы «Паўночная паходня» ў Мінску, масон 3-й ст. у 1820 годзе.

Сям’я

У шлюбе з Б. Лянкевіч меў дзяцей:

Ганна, замужам за Станіславам Ігнатавічам Горватам (1804—пасля 1876), рэчыцкім павятовым маршалкам;
Антоні
Канстанцін, які быў жанаты на Соф’і з Вайніловічаў.

Зноскі

Літаратура

Швед, В. В. Яленскі Павел Янавіч // Масоны і ложы на землях Беларусі (канец XVIII — першая чвэрць XIX ст.) : біябібліягр. слоўн.. — Гродна: ГрДУ, 2007. — 275 с. — ISBN 978-985-417-866-0.