У Вікіпедыі ёсць артыкулы пра іншых асоб з прозвішчам Новікаў.
Павел Дзмітрыевіч Новікаў (14 чэрвеня 1971, Віцебск — 7 красавіка 2022) — беларускі ўрач-алерголаг-імунолаг, педыятр. Доктар медыцынскіх навук (2005), прафесар.
Скончыў Віцебскі дзяржаўны медыцынскі інстытут (1994).
Працаваў у Віцебскай абласной дзіцячай клінічнай бальніцы (1994—1997, урач-стажор, клінічны ардынатар), Віцебскім дзяржаўным медыцынскім універсітэце (у 1997—2003 — асістэнт кафедры дзіцячых хвароб, 2003—2022 — прафесар кафедры клінічнай імуналогіі і алергалогіі).
Навуковыя інтарэсы: імунадыягностыка і імунатэрапія імунадэфіцытаў і алергіі ў дзяцей і дарослых.