У Вікіпедыі ёсць артыкулы пра іншых асоб з прозвішчам Гертвіг. Оскар Гертвіг (21 красавіка 1849, Фрыдберг — 25 кастрычніка 1922, Берлін) — нямецкі біёлаг. Заснавальнік і дырэктар анатамічнага інстытута Берлінскага ўніверсітэта (1888—1921).
Асноўныя працы ў галіне марфалогіі бесхрыбтовых, цыталогіі і эмбрыялогіі. Даследаваў развіццё палавых клетак (устанавіў адзіную схему паспявання яек і зародкаў) і з’яву апладнення. сумесна з братам Рыхардам Гертвігам вывучыў паходжанне і лёс сярэдняга зародкавага лістка ў эмбрыянальным развіцці і вылучыў тэорыю паходжання цэлома — другаснай поласці цела. Гертвіг — адзін з піянераў прымянення эксперыментальнага метаду ў эмбрыялогіі. У пытаннях, якія тычацца тэорыі эвалюцыі, выступаў супраць некаторых палажэнняў Ч. Дарвіна.