Оле Хегэ (нарв.: Ole Hegge; 3 верасня 1898, Барду, Нарвегія — 2 чэрвеня 1994, Нью-Ёрк, ЗША) — нарвежскі лыжнік, прызёр алімпійскіх гульняў у Санкт-Морыцы.
На Алімпійскіх гульнях 1928 года ў Санкт-Морыцы заваяваў серабро ў гонцы на 18 км, роўна дзве хвіліны саступіўшы пераможцу, свайму партнёру па камандзе Юхану Гротумсбротэну і ледзь больш за хвіліну выйграў у нарвежца Рэйдара Одэгорда, пры гэтым Хегэ стаў першым у гісторыі алімпійскім прызёрам, які нарадзіўся і пражываў за палярным кругам. Гэтак жа быў 5-м у гонцы на 50 км.
У 1928 годзе эміграваў у ЗША, але нягледзячы на гэта быў уключаны ў зборную Нарвегіі на Алімпійскіх гульнях 1932 года ў Лэйк-Плэсідзе. На гэтай Алімпіядзе ён удзельнічаў толькі ў гонцы на 50 км, і спыніўся за крок ад медаля, заняўшы чацвёртае месца і толькі 11 секунд саступіўшы бронзаваму прызёру, іншаму нарвежцу Арнэ Рустадстуэну.
Найлепшы вынік Хегэ на чэмпіянатах свету — 4-е месца ў гонцы на 50 км на чэмпіянаце 1926 г. у Лахці.