Олаф фон Далін (шведск.: Olof von Dalin; 29 жніўня 1708, Вінберг — 12 жніўня 1763, Дротнінгхальм) — шведскі пісьменнік, крытык, гісторык. Выдаваў маральна-дыдактычны штотыднёвік «Then Swenska Argus», 1732-34, дзе ў асветніцкім духу крытыкаваў арыстакратыю. Далін — аўтар палітычнай алегорыі «Сага пра каня» (1740) . У эпічнай паэме «Шведская свабода» (1742) Далін высунуў думку аб асвечанай манархіі. Трагедыя «Брунхільда» (1738), камедыя «Зайздроснікі» (Паст. 1738) напісаны пад уплывам французскага класіцызму. У анакрэантычнай лірыцы Далін выкарыстаў матывы шведскіх народных песень.