Олафур Эліясан (ісл.: і дацк.: Ólafur Elíasson, англ.: Olafur Eliasson, больш правільны варыянт перакладу імя — Оўлавюр Эліясан; нар. 5 лютага 1967 года, Капенгаген, Данія) — сучасны дацка-ісландскі мастак. Адна з самых вядомых яго прац — устаноўка The Weather Project у турбіннай зале Tate Modern у Лондане ў 2003. У тым жа годзе ён прадстаўляў Данію на Венецыянскай біенале.
Олафур Эліясан нарадзіўся 5 лютага 1967 года ў Капенгагене ў сям’і ісландцаў. Яго бацька быў мастаком, а маці — швачкай. Калі Олафуру было 8 гадоў, яго бацькі развяліся, бацька вярнуўся ў Ісландыю. Эліясан вучыўся ў Каралеўскай дацкай акадэміі выяўленчых мастацтваў у Капенгагене з 1985 па 1995. У пачатку кар’еры пераехаў у Германію, заснаваў «Студыю Олафура Эліясана» у Берліне. Мастак жыве і працуе ў Капенгагене і Берліне.
Апроч мастацтва займаецца таксама архітэктурай: бюро Эліясана спраектавала Круглы мост у Капенгагене.